يا خايب .. هو ابن عمك زايد عنك ايد واللا رِجل .. علشان يجيب مجموع أعلى منك!!

• مين فينا مسمعش الجملة دي من والدته؟؟ أمهاتنا كانت بتستخدمها كنوع من التحفيز عن طريق التحدي، بس الطريقة دي مبتنفعشي غير مع 15% من البشر.. للأسف الكلمة دي دمرت أجيال!!
• وكمان عدم تقبُل الآخر، أدى لانتشار الكراهية بينا، على أساس: جغرافي .. ثم ديني .. ثم رياضي .. ثم سياسي .. وأخيرا .. جنسي (بقينا رقم 2 في التحرش الجنسي عالميا)
• واللا نسب الطلاق .. اللي وصلت ل 200 الف حالة طلاق في السنة، بنصرف عليهم في المحاكم 17 مليار جنيه سنوياً (واحنا مش لاقيين ناكل)، وده أدى لزيادة عدد أطفال الشوارع!!
• كل المصايب دي سببها جملة واحدة: الفشل في فهم الاخر، والتواصل معه بطريقة تناسب شخصيته
• الكتاب ده بيحاول يخلينا نقدر نحل كل المشاكل دي، قبل ما ييجي اليوم اللي نقتل فيه بعض على اساس: انت بتشرب بيبسي واللا كوكاكولا!!